2020 оны 2 сарын 14 871
Шинэ коронавирус COVID-19-ийн өвчлөлтэй холбогдуулан Мэргэжлийн хяналтын байгууллага 2020.01.06-ны өдрөөс хилийн хяналтыг чангатган, хилийн мэргэжлийн хяналтын алба, хэлтэс өндөржүүлсэн байдалд ажиллаж байгаа бөгөөд Монгол Улсын Ерөнхийлөгчийн зарлиг, Засгийн газрын “Бэлэн байдлын зэрэгт шилжүүлэх тухай” тогтоолын дагуу энэ сарын 13-ны өдрөөс Мэргэжлийн хяналтын байгууллага бүрэн бүрэлдэхүүнээр өндөржүүлсэн бэлэн байдалд шилжин, тусгай горимоор ажиллаж байна.
Өндөржүүлсэн бэлэн байдалд шилжсэнтэй холбогдуулан МХЕГ-т “Шуурхай штаб”-ыг байгуулсан бөгөөд өнөөдөр мэргэжлийн хяналтын төв, орон нутгийн бүх нэгжийг хамруулан цахим шуурхай хуралдаан зохион байгуулан штабын бүрэлдэхүүн, ажиллах горим, төлөвлөгөө, эрсдэлийн үед ажиллах заавар зэрэг мэдээлэл хийж үүрэг даалгавар өглөө.
Мөн хариуцлагатай жижүүрийг томилон 24 цагаар ажиллаж байгаа бөгөөд гамшиг болон нийгмийн эрүүл мэндийн ноцтой байдал үүссэн үед төв, орон нутгийн мэргэжлийн хяналтын албан хаагчдыг тухайн бүс, орон нутагт дайчлан ажиллуулах юм. Түүнчлэн ажилтан, албан хаагчдыг халдвараас сэргийлж, хувийн иж бүрэн хамгаалах хувцас, хэрэгслээр хангахыг холбогдох албан тушаалтнуудад үүрэг болголоо.
.jpg)
Tweet
Засгийн газрын тохируулагч агентлаг
Сэлэнгэ аймгийн мэргэжлийн хяналтын газар Албан ёсны цахим хуудас Бидэнтэй холбоо барих:contact@p_se@inspection.gov.mn